Del | Tilbake | Skriv ut | Tips en venn

Huldra på Grimsdalshytta

23.07.10  Johan Frøhaug Fegri

I sommar har huldra dukka opp på Grimsdalshytta jamnleg. På kveldstid, når gjestane avsluttar middagen med jordbær og is eller karamellpudding, får dei plutseleg auge på ein kvitkledt skikkelse som dansar ute i det fjerne.

 

 

Snart oppdagar dei at det er ei barbeint, fager kvinne med langt, ljost hår og hale som viser seg for dei der ute.

 
Det er huldra dei ser, dei som er heldige nok til å oppdage henne, og stemninga rundt middagsbordet vert aldri meir den same.  Det er ikkje så rart at huldra dukkar opp nettopp her på Grimsdalshytta i Rondane, ettersom huldra i fleire århundrer har vore fast inventar på sætre i den tradisjonsrike sæterdalen Grimsdalen i vinterhalvåret, når bygdafolket har reist ned att for vinteren. Utallige historiar eksisterer om menn som har møtt huldra under reinsjakta, om unge kvinner som aldri vert seg sjølve att etter møter med huldre og trollfolk, og om huldre som trollbind særleg unge menn, historiar som i blant går så langt at det ender med giftemål.

 

Huldra er forholdsvis uforutsigbar, og det er ikkje alle som får eit glimt, men det verkar til at ho har etablert seg i området, så fotturistar og overnattande på Grimsdalshytta bør halde augene opne i tida framover. Det verkar til at huldra i Grimsdalen har fredlege hensikter, men det vert ikkje gjeve garanti mot trollbinding…

Huldra forsvinn opp i fjellet ei periode i august, men er elles i området fram til Grimsdalshytta stenger for sesongen i midten av september.